Bihar – Hindistonning shim.-sharqidagi shtat. Nepal b-n chegaradosh. Mayd. 174 ming km². Aholisi 86,3 mln. kishi (1990-y.lar o‘rtalari). Ma’muriy markazi – Patna sh... B. tarixiy viloyat, hind madaniyati va davlatchiligning muhim markazi. Mil. av. 6-a. da B.ning jan.da Magadxa davlati vujudga kelgan. O‘sha davrda B. iqtisodiy va madaniy jihatdan Hindistonning eng rivojlangan qismi sanalgan. Rivoyatlarga ko‘ra buddizm va jaynizm o‘sha yerda paydo bo‘lgan. 6-a.dan B. mustaqil siyosiy ahamiyatini yo‘qota boshlagan. 12-a. oxirida Dehli sultonligi tarkibiga kiritilgan. 16-17- a.larda Boburiylar davlati, 18- a.da Bengaliya davlati (navobligi) tarkibida bo‘lgan. 1757-65 y.larda inglizlarning Ost-Indiya kompaniyasiga bo‘ysungan. Ingliz mustamlaka hukmronligi davrida B. mamlakatning eng qoloq r-nlaridan biriga aylangan. 1911 y. provinsiya (viloyat huquqini olgan. 1950 y.dan B. Hindiston respublikasining shtati.
O‘zME, T, 2000-2006, t.2.2001, 704 b. – B. 67. (O‘zbekcha); Бихар.
Fikr qoldirish#