Farg‘ona viloyatidagi shahar. Farg‘ona vodiysining jan. qismida, Olay tog‘lari etagida joylashgan. Farg‘ona sh.dan 10-12 km shim.da, 475 m balandlikda. Yaqin t.y. stansiyasi Marg‘ilon (4 km). Iyulning o‘rtacha t-rasi 25-26°, yanv.niki -3,5°. M.ning jan. chekkasidan Jan. Farg‘ona kanali va shahar ichidan Marg‘ilonsoy oqib o‘tadi. Aholisi 183,2 ming kishi (2002; ) «Boburnoma»da M. Farg‘onadagi 8 ta shahardan biri ekanligi, shaharning obodligi, shirin mevalari haqida so‘z yuritilib, uning «donai kalon» deb ataluvchi anori va «subhoniy» navli o‘rigi maqtaladi. Shaharning qad. qismida o‘tkazilgan arxeologik qazilmalar natijasida M.ga bundan 2 ming yil avval asos solinganligi aniqlandi. Mahalliy maʼlumotlar bo‘yicha shaharning 12 darvozasi bo‘lgan. Buyuk ipak yo‘lida joylashgan M. aholisi qadimdan atlas to‘qish b-n shug‘ullanib kelgan va shu tariqa uni jahonga mashhur qilgan. M.ning shoyi matolari Misr, Eron va Yunoniston, Qashg‘ar savdogarlari tomonidan ko‘plab xarid qilingan...
O‘zME, T, 2000-2006, t.5, 2003, 704 b. – B. 495-496. (O‘zbekcha); Маргелан.
Fikr qoldirish#