1483-yil, 14-fevralda Farg‘ona viloyatining poytaxti Andijon shahrida tug‘ilgan.
1488-yilda Bobur birinchi marta Samarqand shahrida bo‘lgan va bu shahar bilan tanishgan.
1494-yil, 6-iyulda Farg‘ona viloyatining hokimi bo‘lgan.
1496-yilda shoir Muhammad Solih va Binoiy bilan uchrashgan.
1497-yil oxirida birinchi marta Samarqandni qo‘lga kiritgan.
1500-yilda ikkinchi marta Samarqandni egallagan. Alisher Navoiy bilan maktublar yozishgan.
1504-yilda Kobulga yurish boshlagan.
1504-yil, sentyabrda Kobulni egallagan. Shu-yili «Xatti Boburiy»ni tuzgan.
1506-yilda Hirot shahriga Sulton Husayn Mirzo ta’ziyasiga borgan va Alisher Navoiy qurdirgan barcha binolar bilan mufassal tanishib chiqqan.
1508-yil, 8-martda farzandi Humoyun dunyoga kelgan va Bobur o‘zini podshoh deb atashni buyurgan.
1511-yilda Samarqandni uchinchi marta egallagan.
1519-yil, iyulda Samarqand shahri hokimi Fulod Sultonga o‘zining devoni qo‘lyozmasini yuborgan.
1528-yil, 27-dekabrda Hindistonda yaratgan she’rlari «Hind devoni»ni tugatgani haqida dastxat chekkan. U Boburdan bizgacha yetib kelgan yagona dastxatidir.
1530-yil, 26-dekabrda Bobur Agra shahrida 47 yoshida vafot etgan.
Fikr qoldirish#