Xazon yafrog‘i yanglig‘ gul yuzung hajrida sarg‘ardim,

Ko‘rub rahm aylagil, ey lola rux, bu chehrai zardim.

Sen, ey gul, qo‘ymading sarkashligingni sarvdek hargiz,

Oyog‘ingg‘a tushub bargi xazondek muncha yolbardim.

G‘ayr toshi zaxmidin dardimni izhor etmadim,

Ichtagi pinhon g‘amim toshtin namudor etmadim.

Qondin elga yoydi tifli ashk sirrimni mening,

Chunki men ul yoshni hargiz sohib asror etmadim.

Oyog‘in o‘psam, yetishgay arsh toqig‘a boshim,

Dast bergay davlatim, gar tutsa ilgim mahvashim.

Qo‘ymog‘umdur etaging ketsam ilikdin har necha,

Bormog‘umdur ostoningdin agar borsa boshim.

Ne xush bo‘lg‘ayki, bir kun uyquluq baxtimni uyg‘otsam,

Kechalar tori mo‘yidek beliga chirmashib yotsam.

Gahi guldek yuzini ul shakar so‘zlukning islasam,

Gahi shakkar kibi ul yuzi gulning la’lidin totsam.

Hajr aro ishrat ayog‘in bormu no‘sh aylar chog‘im,

Sensizni yurub ayoq ichkuncha sinsun oyog‘im!

Ishq bemorimenu sen husnunga mag‘ruru mast,

Men nechun bormay o‘zumdinkim, dame yo‘qtur sog‘im.

G‘urbatu hijrong‘a qoldim, oh ul jon ilgidin,

Jong‘a yettim emdi g‘urbat birla hijron ilgidin.

Ko‘rsatur gah tig‘u gah o‘q holatimni bilmayin,

Ne balolar ko‘radurman yori nodon ilgidin.

Yana ko‘z uyida ma’vo qilibsen,

Ko‘ngul koshonasida jo qilibsen.

Yana savdoi zulfungdin, nigoro,

Meni oshuftavu shaydo qilibsen.

Ne vafo umrumda ul jonu jahondin ko‘rgamen,

Kim vafo jondin ko‘rubdurkim, men ondin ko‘rgamen?!

Ko‘z yo‘lidin ul pari husnin nazar aylar edim,

Qon yoshim ul yo‘lni tutti, emdi qondin ko‘rgamen?

Takalluf har necha suratta bo‘lsa, ondin ortuqsen,

Seni jon derlar, ammo betakalluf jondin ortuqsen.

Parining husn ichra garchi oti benihoyattur,

Meni devona qoshimda va lekin ondin ortuqsen.

Bu yangligʼ bilsam erdi hajrning muhlik qaro shomin,

Berurmu erdim oʼlguncha iligdin vasl ayyomin?!

Jahonda ayshu ishratdin koʼngul orom topqaymu,

Kishi to koʼrmaguncha yonida mahvash diloromin?

So‘zlab ul la’li shakarxoni shakarrez etasen,

Ochib ul zulfi sumansoni dilovez etasen.

Gah qoshing sekritibu gohi ko‘zungni o‘ynatib,

Ne balolarkim mening jonimg‘a angez etasen.

Qadu xatting bila ko‘zu yuzung, ey sarvi simin tan,

Biri sarvu biri rayhon, biri nargis, biri gulshan.

Hadisu la’lu raftoru jamolingdin erur har dam,

Tilim go‘yo, so‘zum rangin, ko‘ngul xurram, ko‘zum ravshan.

Ishq elining ohidin ul sarv qad xam bo‘lmasun,

G‘am yelidin ul muanbar zulf darham bo‘lmasun.

Dahri dundin tegmasun ozor nozik jisminga,

Dahr ahlidin muborak ko‘nglungga g‘am bo‘lmasun.

Tushumda chun quyoshdek orazingni ko‘rdum o‘trudin,

Tilarmen to qiyomat ochmag‘aymen ko‘zni uyqudin.

Sening vaslingdin ayru tushgali borg‘on sori ortar,

Tahassur orqadin, mehnat yonimdin, hajr o‘trudin.

Quyoshim har sorig‘a azm kilsa, zarraye qolmon,

Ne uchunkim, agar ayrilsam andin kun ko‘ra olmon.

Aningdek bo‘lmisham hayron quyosh yanglig‘ yuzunggakim,

Quyoshdek nayzalar tegsa ko‘zumga, ko‘z ola olmon.

Mening ko‘nglumni har dam og‘ritib, parvoye qilmaysen,

Sen, ey bedard, naylaykim, ko‘ngul dardini bilmaysen.

Ne bilg‘aysen mening dardu g‘amim har soatu har dam –

Ki, husn usruklugidin oyu yil, ey oy, oyilmaysen.